"Zirə"nin sabiq baş məşqçisi Azərbaycanın bölgə klubunda
Vüqar Nadirovla yollarını ayıran 2-ci Liqa təmsilçisi "Haypers Quba"nın yeni baş məşqçisi müəyyənləşib.
Mediasport.az xəbər verir ki, bölgə klubunu Bəhram Şahquliyev çalışdıracaq.
Təcrübəli mütəxəssislə mövsümün sonunadək müqavilə bağlanıb.
Qusarlı məşqçi komandanı 1-ci Liqaya çıxara bilsə, anlaşmanın müddəti uzadılacaq.
2014-2015-ci illərdə "Zirə"nin baş məşqçisi olmuş Şahquliyev ötən mövsümün ikinci yarısınadək “Şahdağ Qusar”da işləyib.
Yaydan indiyədək isə qəsəbə klubunun akademiyasında görəvdə olub.
"Haypers Quba" hazırda 9 turdan sonra 18 xalla turnir cədvəlinin 4-cü pilləsində qərarlaşıb.
