“TRT Spor”da Qarabağ və "Qarabağ"dan danışdılar - VİDEO
Türkiyənin TRT (Belgesel) kanalı “Qarabağ” Futbol Klubu barədə iki hissəlik sənədli film çəkib.
Mediasport.az xəbər verir ki, “Qol atan cəbhəyə" adlı filmin ilk seriyası “TRT Belgesel” kanalında yayımlanıb.
Türkiyədə kifayət qədər müsbət reaksiyalar doğuran filmdə “Qarabağ” klubunun nümayəndələri, Ağdam şəhərindən ziyalılar, “Qarabağ”ın azarkeşləri və klubun keçmiş futbolçusu-kapitanı-baş məşqçisi, Azərbaycanın Milli Qəhrəmanı Allahverdi Bağırovun bacısı Almaz Bağırova müsahib qismində iştirak ediblər.
Türkiyənin məşhur idman jurnalisti Levent Özçelik “TRT Spor” kanalında aparıcısı olduğu verilişdə filmdən söz açıb, qonaqları ilə birlikdə “Qarabağ”ın cari Avropa Liqasının əsas mərhələ matçlarında çıxışlarını müzakirə ediblər.
Filmin ssenari müəllifi Erdal Hoş, ekspert Mustafa Sapmaz da film və komandanın hazırkı performansı barədə fikirlərini bildiriblər.
