Azərbaycan milli komandası: Dünyada 2-ci, Avropada 1-ci yer
Albaniyanın paytaxtı Tiranada keçirilən qeyri-olimpiya çəkilərində güləş üzrə dünya çempionatı başa çatıb.
Mediasport.az xəbər verir ki, Azərbaycan komandası mundialı 3 qızıl medalla yekunlaşdırıb və hər 3 mükafat yunan-Roma güləşçilərimizin aktivinə yazılıb.
Bu növdə 4 idmançıdan 3-ü inamlı çıxış edərək dünya çempionu adını qazanıb.
Eldəniz Əzizli (55 kq), Nihat Məmmədli (63 kq) və Ülvü Qənizadə (72 kq) rəqib tanımayıb.
Ölkəmiz bu nəticələrlə çempionatın medal sıralamasında ikinci yeri tutub və Avropa qitəsində birinci olub.
Yığmamız dünya üzrə yalnız Asiya nəhəngi Yaponiyadan geri qalıb.
