Azərbaycanda UEFA kateqoriyasına cavab verən cəmi 7 stadion var
AFFA-nın bu gün ictimaiyyətə təqdim olunan inkişaf strategiyasının layihəsində infrastrukturla bağlı ciddi problemlərin qaldığı təsdiqlənib.
Mediasport.az xəbər verir ki, Premyer Liqa, 1-ci Liqa və 2-ci Liqada mübarizə aparan 34 klubun yalnız 5-nin təlim-məşq bazası minimum standartlara cavab verir.
Azərbaycanda UEFA-nın 2-ci və ya daha yüksək kateqoriyaya malik 7 stadion mövcuddur.
Əsas millimiz 3 stadiondan istifadə edir. Yığmamızın 1 əsas təlim-məşq bazası var ki, “Dalğa Arena” da bütün milli komandalar tərəfindən istifadə olunur.
Uşaq futbolunda da durum acınacaqlıdır. Ölkədəki 65 idman məktəbindən (UGİM) yalnız 5-nin futbol meydançası var.
