"Kəpəz" heyətini gürcüstanlı yarımmüdafiəçi ilə gücləndirdi
"Kəpəz" qış transfer dövründə ilk transferini rəsmiləşdirib.
Mediasport.az xəbər verir ki, Gəncə klubu gürcüstanlı Rati Ardazişvilini transfer edib.
26 yaşlı yarımmüdafiəçi ilə "6 ay+1 il" müddətinə müqavilə bağlanıb.
Ratinin son klubu vətənində "Samtredia" olub.
Gürcüstanın aşağı yaş qrupları üzrə yığma komandalarının, o cümlədən U-21 millisinin şərəfini qorumuş futbolçu Ukraynada "Rux", Qazaxıstanda "Kaspi" və "Jetısu", həmçinin Latviyada "Liepaya"nın formasını geyinib.
