Beynəlxalq dərəcəli daha 3 hakimimiz yuxarı kateqoriya aldı
Dünya Güləş Birliyi (UWW) beynəlxalq dərəcəli hakimlərin siyahısını yeniləyib.
Azərbaycan Güləş Federasiyasından Mediasport.az saytına verilən məlumata görə, hakimlərimizdən daha üçü ötən il iştirak etdiyi yarışların və imtahanların nəticəsinə əsasən yuxarı kateqoriyaya keçib.
Eldar Məmmədov və Kamran Baxışov III dərəcədən II dərəcəyə yüksəlib.
Buna qədər milli dərəcəli hakim olan Qədim Qurbanov isə beynəlxalq referi statusuna yiyələnərək III dərəcəyə sahib çıxıb.
Hazırda Azərbaycanın güləş üzrə 25 ədalət təmsilçisi beynəlxalq kateqoriya daşıyır.
