Mahir Emrelinin oynadığı klubdan ayrılacaq futbolçular müəyyənləşdi
Azərbaycan millisinin futbolçusu Mahir Emrelinin formasını geyindiyi “Nürnberq”i tərk edəcək oyunçular məlum olub.
Mediasport.az xəbər verir ki, bu barədə Almaniya klubunun baş məşqçisi Miroslav Kloze məlumat paylaşıb.
Mütəxəssis qış transfer dönəmində yola salacaqları iki oyunçunun adını açıqlayıb: Yarımmüdafiəçi Taylan Duman və cinah futbolçusu Benjamin Qoller.
2-ci Bundesliqa təmsilçisinin "sükan"çısı əlavə edib ki, ön xətt oyunçuları Florian Pik və Yanni Serranın da gedişi istisna deyil.
Kloze digər futbolçuların mövsümün sonuna qədər komandada qalacaqlarını vurğulayıb.
Qeyd edək ki, Mahir Emrelinin “Nürnberq”lə müqavilə müddəti mövsümün sonuna qədərdir.
