Avropa Liqası: "Qarabağ" - FKSB oyununun biletləri satışa çıxarılır
Yanvarın 23-də UEFA Avropa Liqasının əsas mərhələsinin 7-ci turu çərçivəsində Bakıda keçiriləcək "Qarabağ" - FKSB (Rumıniya) matçının biletləri satışa çıxarılır.
Mediasport.az xəbər verir ki, azarkeşlər biletləri bu gün 12:00-dan əldə edə bilərlər.
Tofiq Bəhramov adına Respublika stadionunda baş tutacaq qarşılaşmaya biletlərin qiyməti müvafiq olaraq 5, 20, 30, 40, 75 və 150 manat təşkil edir.
VIP sektorlara biletlərin qiyməti 300 manatdır.
Biletlər "iTicket.az"ın satış məntəqələrində (iTicket.az-da onlayn satış), “Qarabağ” FK-nın "Park Bulvar"dakı fan-şopunda və Tofiq Bəhramov adına Respublika stadionunun kassalarında satışda olacaq.
Matç saat 21:45-də başlanacaq.
