Azərbaycanın bu klubu sabah sponsorluq müqaviləsi bağlayacaq
Uzun müddətdir maliyyə sıxıntısı yaşayan "Mingəçevir"də üzlər gülür.
Mediasport.az xəbər verir ki, Azərbaycan 1-ci Liqa təmsilçisi uzun müddətdir haqqında danışılan sponsoruna qovuşmaq üzrədir.
Bölgə klubu sabah ASTA (Azerbaijan Sport Talents Academy) ilə rəsmi müqavilə bağlayacaq.
Sponsorluq anlaşması mərasimi "Fairmont Baku" otelində baş tutacaq.
Xatırladaq ki, sabiq SOCAR rəsmisi Adnan Əhmədzadəyə məxsus olduğu deyilən akademiya Mingəçevir klubunu himayəsinə götürmək üçün bir müddət əvvəl AFFA-ya rəsmi müraciət edib.
