"Azərsun Arena"da 6 qol vuruldu: "Qarabağ" "Zirə"ni məğlub etdi
Qış hazırlığını davam etdirən "Qarabağ" və "Zirə" yoldaşlıq matçı keçiriblər.
Mediasport.az xəbər verir ki, qarşılaşma "Azərsun Arena"da baş tutub.
Ağdam klubu 4:2 hesablı qələbə qazanıb.
"Köhlən atlar"ın qollarını Aleksey Kaşşuk, Davud Məsumov, Bəhlul Mustafazadə və Redon Cica vurublar.
"Zirə"nin heyətində Ruan Renato və Junior Martins fərqləniblər.
Qeyd edək ki, “Qarabağ” ilk yoxlama oyununda “Kəpəz”ə (5:1), “Zirə” isə “Şamaxı”ya (3:1) qalib gəlib.
