Asiya Çempionlar Liqası: 34 oyun məğlubiyyətsiz seriya başa çatdı
Futbol üzrə Asiya Çempionlar Liqasında yarımfinalın ilk oyunları keçirilib.
Mediasport.az xəbər verir ki, günün ilk duelində "Ulsan" (Koreya) - "Yokohama Marinos" (Yaponiya) görüşü baş tutub.
Seulda gerçəkləşən matç meydan sahiblərinin minimal hesablı qələbəsilə yekunlaşıb - 1:0.
Axşam seansında isə aprelin 16-da güclü leysan səbəbindən təxirə salınan "Əl-Əyn" (BƏƏ) - "Əl-Hilal" (Səudiyyə Ərəbistanı) qarşılaşması reallaşıb.
Ardıcıl 34 oyundur məğlub olmayan qonaqların uğurlu seriyasına son qoyulub və "Əl-Əyn" 4:2 hesablı qələbəni bayram edib.
Komandalar arasında cavab oyunları aprelin 23-də və 24-də olacaq.
