"Bu tempdə davam etsələr, komandaya çox faydaları dəyəcək"
!["Bu tempdə davam etsələr, komandaya çox faydaları dəyəcək"](https://mediasport.az/uploads/images/202407/image_750x_669f9eba2f504.jpg)
"Hazırlıq dövrü olduğu üçün futbolçularda fiziki yüklənmə var. Bu, oyunda da görünürdü”.
Mediasport.az xəbər verir ki, bunu “Kəpəz”in baş məşqçisi Adil Şükürov deyib.
O, Küveytin "Əl-Yarmuk" klubu ilə yoxlama matçını şərh edib.
Təcrübəli mütəxəssis 2:1 hesabı ilə başa oyunda futbolçularının özlərini yaxşı tərəfdən göstərdiklərini qeyd edib:
“Əsas hədəfimiz çempionata yaxşı hazırlaşmaqdır. Bu yöndə məşqlərimiz davam edir. Çempionatın startına kimi komanda 70-80 faiz hazır olacaq. Yeni gələn oyunçular özlərini yaxşı tərəfdən göstərə bildilər. Onları bir daha bəyəndik. Bu tempdə davam etsələr, inanıram ki, komandaya çox böyük faydaları dəyəcək".
Xatırladaq ki, "sarı-göylər" avqustun 3-də Premyer Liqanın ilk turunda səfərdə “Sumqayıt”ın qonağı olacaqlar.