Avrokubokların final matçlarının baş hakimləri müəyyənləşib
UEFA başa çatmaqda olan 2023/2024-cü illər mövsümünün avrokubok finalları üçün baş hakimlərin adlarını açıqlayıb.
Mediasport.az xəbər verir ki, Çempionlar Liqasında "Real" (Madrid) və "Borussiya" (Dortmund) arasında baş tutacaq həlledici görüşü slovenyalı Slavko Vinçiç idarə edəcək.
Avropa Liqasının "Bayer" - "Atalanta" final qarşılaşması rumıniyalı İştvan Kovaça həvalə edilib.
Konfrans Liqasının final matçı "Olimpiakos" - "Fiorentina" duelində isə əsas söz sahibi portuqaliyalı Artur Soareş Diaş olacaq.
Qeyd edək ki, ÇL finalı iyunun 1-də Londondakı "Uembli"də, AL-in finalı mayın 22-də Dublindəki "Aviva stadium"da, KL-in finalı isə mayın 29-da Afinadakı "Ayasofya" stadionunda keçiriləcək.
