İdman jurnalistləri millimiz Gürcüstanda 3-cü yeri tutub
Gürcüstanın Tbilisi şəhərində Beynəlxalq Media Kuboku futbol turniri keçirilib.
Mediasport.az xəbər verir ki, məşhur futbol şərhçisi Kote Maxaradzenin xatirəsinə həsr olunan yarışda Azərbaycan da çıxış edib.
8 ölkənin təmsil olunduğu tunririn B qrupunda komandamız Rumıniya, Qazaxıstan və Gürcüstan 2 ilə üz-üzə gəlib. Təmsilçilərimiz inamlı çıxışla 6 xal toplayaraq qrupdan çıxıb.
Finalın bir addımlığında rəqib Gürcüstanın əsas komandası olub. Gərgin keçən görüşdə qonşularımız 3:2 hesabı ilə qalib gəliblər. Yekunda komandamız turniri mükafatçılar sırasında, 3-cü yerdə bitirib.
Qeyd edək ki, yarış bir neçə ildir təşkil olunur. İdman jurnalistlərindən ibarət heyət Gənclər və İdman Nazirliyi,Azərbaycan İdman Jurnalistləri İB-in dəstəyi ilə turnirdə iştirak edib.
