İdmançılarımız beynəlxalq yarışda 9 medal qazanıblar
Azərbaycan idmançıları Rusiyanın paytaxtı Moskva şəhərində "Moskva ulduzları" uşu üzrə beynəlxalq turnirdə uğurla çıxış ediblər.
Mediasport.az xəbər verir ki, təmsilçilərimiz 9 medal qazanıblar.
Kadetlər arasında Azad Hümbətov (45 kq) qızıl, Hüseyn Məmmədov (42 kq) gümüş, Hümbət Mustafayev (48 kq) bürünc medala yiyələniblər.
Yeniyetmələr arasında Xəyal İbrahimov (45 kq) və Süleyman Kazımlı (48 kq) bürünc medal, gənclərdə isə Yusif Azadi (52 kq) qızıl medala sahib olublar.
Qızlar arasında Mirrüqəyya Azərpur (52 kq) və Mirfatimə Azərpur (65 kq) ikinci yeri tutublar.
Böyüklər arasında isə altıqat Avropa çempionu Elçin Eminov (60 kq) bütün rəqiblərinə qalib gələrək turnirin qalibi olub.
