"Dinamo" tarixində 9-cu dəfə Belarus çempionu adını qazandı
Futbol üzrə Belarus Yüksək Liqasında 2024-cü il mövsümünün qalibi müəyyənləşib.
Mediasport.az xəbər verir ki, Minsk "Dinamo"su tarixində 9-cu dəfə çempion adını qazanıb.
Viadim Skripçenkonun rəhbərlik etdiyi paytaxt təmsilçisi uğuru sona 2 tur qalmış əldə edib.
29-cu tur çərçivəsində BATE-ni qəbul edən "dinamoçular" 1:0 hesablı qələbə ilə ardıcıl ikinci mövsüm çempionluğa qovuşublar.
Ehtiyatda 2 oyunu olan Minsk klubu ən yaxın izləyicisi "Neman"ı 5 xal qabaqlayır. Qrodnı təmsilçisi 29 matç keçirib.
"Dinamo" daha əvvəl 1992, 1992–93, 1993–94, 1994–95, 1995, 1997, 2004 və 2023-cü illər mövsümlərində titulu hesabına yazdırıb.
