"İyunun 30-da klubu tərk edəcəm, problem olmaq istəmirəm" - Xavi
"Barselona" İspaniya La Liqasının 22-ci turunda "Vilyarreal"a uduzub (3:5).
Mediasport.az xəbər verir ki, Kataloniya təmsilçisinin çalışdırıcısı Xavi cari mövsümün sonunda vəzifəsini tərk edəcəyini deyib.
O, son İspaniya çempionundan gedəcəyi tarixi də açıqlayıb:
"İyunun 30-da klubu tərk edəcəm. Bu, klubun prezidenti, rəhbərliyi ilə müzakirə etdiyim qərardır... “Barselona”nın rəhbərlik dəyişikliyinə ehtiyacı var. Mən bunu prezidentə izah etdim, biz görüşdük, yaxşı söhbətimiz oldu. Onların məndən əminliyi bu günədək tam idi, ancaq getmək vaxtı çatıb. Bu, iqtisadi vəziyyətdən dolayı baş vermir, bu qərarı mən ürəkdən verirəm və hesab edirəm ki, bu, klub üçün ən yaxşı sonucdur. Problem olmaq istəmirəm. Biz tamamilə uğursuz mövsüm keçirdik və belə nəticəyə layiq olmayan oyunçuların istiqamətini dəyişdirməyin zamanı gəlib. Geridönüş edə bildiyiniz bir matçda sizi yendiklərini görmək çox məyusedicidir, karyeramda belə qəddar matç xatırlamıram. Klubun xeyrinə istiqamət dəyişikliyinə ehtiyacımız var və bu, “Barsa” ətrafındakı vəziyyətin yaxşılaşmasına səbəb olacaq".
