"Kəpəz"in yeni üzvü Gəncə klubunu seçməsinin səbəbini açıqladı
"Kəpəz"in yeni transferi Bəxtiyar Həsənalızadə klubun mətbuat xidmətinə açıqlama verib.
MediaSport.az xəbər verir ki, təcrübəli müdafiəçi Gəncə klubunu seçməsinin səbəbini izah edib.
Həsənalızadə Azərbaycanın digər klublarından da təklif aldığını bildirib:
"Premyer Liqa klublarından bir neçə təklifim var idi. Amma mənim üçün ən yaxşı variant olduğunu düşündüyüm üçün seçimimi “Kəpəz”in xeyrinə etdim. Yaxşı və mehriban heyət var, bunu bəyənirəm. Çalışacam ki, adaptasiya mərhələsini tez keçim və komandaya faydalı olum. Stadionlarda yaxşı ab-hava yaradan böyük azarkeşlərimiz var. Ümid edirəm ki, qarşıdakı mövsümdə nəticələrimizlə onları sevindirəcəyik. Kollektivimiz yaxşıdır, ona görə də keçən mövsümdən daha yaxşı nəticələr əldə etmək istəyirəm. Amma çətin olacaq".
Qeyd edək ki, son olaraq "Sabah"da çıxış etmiş Bəxtiyar "Kəpəz"lə bir illik müqavilə imzalayıb.
