"Mançester Yunayted"də Kriştiano Ronaldo erası başa çatdı - RƏSMİ
Kriştiano Ronaldonun bundan sonra "Mançester Yunayted"də çıxış etməyəcəyi dəqiqləşib.
mediasport.az xəbər verir ki, klubun rəsmi saytı 37 yaşlı futbolçu ilə yolların ayrılmasına dair məlumat paylaşıb.
Portuqaliyalı ulduzla qarşılıqlı razılıq əsasında müqaviləyə xitam verilib. Ronaldoya "qırmızı şeytanlar"ın forması ilə ümumilikdə 346 oyunda 145 qol vurduğuna görə təşəkkür edilib.
Mançesterə 2021-ci ildə qayıdan təcrübəli futbolçu 2003/2009-cu illərdə də "mankunianlar"ın uğurları üçün çalışıb.
