Milli futbolçumuzun kapitan qardaşı Niderland çempionu adını qazandı
Futbol üzrə Niderland Erediviziyasında 2022/2023-cü illər mövsümünün qalibi məlum olub.
mediasport.az xəbər verir ki, çempion sona 2 tur qalmış müəyyənləşib.
Hesabat turunda evdə "Qo Ehed İqlz"dan üstün olmaqla (3:0) bütün rəqiblərini geridə qoyan "Feyenoord" tarixində 16-cı dəfə liqanın qızıl medallarını qazanıb. Arne Slotun komandası ən yaxın izləyicisi PSV-ni 8 xal qabaqlayır.
Maraq üçün bildirək ki, Rotterdam klubunun kapitanı milli komandamızın üzvü Ozan Can Kökçünün kiçik qardaşı Orkun Can Kökçüdür.
