Müzəffər Qasımov yad edilib
Gəncə futbolunun dahi simalarından Müzəffər Qasımov anadan olmasının 83-cü ildönümündə anılıb.
Mediasport.az xəbər verir ki, ailə üzvləri, veteran futbolçular, eləcə də klubun rəhbərliyi Fəxri Xiyabanda dəfn olunmuş SSRİ idman ustasının məzarını ziyarət ediblər.
Əməkdar məşqçinin məzarı üzərinə qərənfillər düzülüb, ruhuna dualar oxunub.
Gəncə Futbol Akademiyasının direktoru Cabir İbrahimov, əsas komandanın baş məşqçisi Adil Şükürov, Gəncə Regional Futbol Federasiyasının sədri Nurəddin Əliyev və digərləri Müzəffər Qasımov haqqında fikirlərini bölüşüblər.
Qeyd olunub ki, Gəncədə peşəkar futbol klubunun yaradıldığı ilk ildən komandanın heyətində olmuş Müzəffər Qasımov öz oyunu ilə azarkeşlərin qəlbinə yol tapıb.
“Dinamo”nu kapitan kimi SSRİ Çempionatının Yüksək Liqasında meydana çıxarıb.
Karyerasını başa vurduqdan sonra da müxtəlif illərdə doğma komandasına baş məşqçi və klub rəsmisi kimi xidmət edib.
