"Qarabağ"dan Azərbaycanın UEFA reytinqinə daha 0,250 əmsal
Tarixində ilk dəfə UEFA Avropa Liqasında 1/8 finala vəsiqə qazanan "Qarabağ" UEFA reytinqində Azərbaycana növbəti əmsalları qazandırıb.
Mediasport.az xəbər verir ki, Ağdam klubunun mərhələ adlaması sayəsində ölkəmizin reytinqinə daha 0,250 əmsal əlavə olunub.
Azərbaycanın bu mövsümkü əmsalı ümumilikdə 5,625-ə çatıb. Son 5 mövsümdəki ümumi əmsallar 19,875-ə bərabərdir.
Beləliklə, Azərbaycanın UEFA reytinqində cari mövsümü ən azı 27-ci pillədə başa vuracağı dəqiqləşib.
Reytinqə 100,803 əmsalla İngiltərə başçılıq edir. İspaniya (86,614) ikinci, İtaliya (84.855) isə üçüncü pillədə qərarlaşıb.
