"Qarabağ" bu gecə Zaqreb stadionunda dəstəksiz qalmayacaq
UEFA Çempionlar Liqası pley-off mərhələsinin ilk oyunu çərçivəsində bu gecə Xorvatiyada "Dinamo"nun qonağı olacaq "Qarabağ" meydanda dəstəksiz qalmayacaq.
Mediasport.az xəbər verir ki, ağdamlıları vacib qarşılaşmada 100-ə yaxın azarkeş qələbəyə səsləyəcək.
Zaqreb və ətraf şəhərlər, eləcə də Xorvatiyaya yaxın ölkələrdə yaşayan azərbaycanlılar-türklər Ağdam klubuna dəstək olmaq üçün arenaya təşrif buyuracaqlar.
“Maksimir” stadionunda keçiriləcək qarşılaşma Bakı vaxtilə saat 23:00-da başlanacaq.
Komandalar arasında cavab matçı avqustun 28-də Bakıda keçiriləcək.
