"Qarabağ" - "Malmö" oyunu üçün satılmış biletlərin sayı açıqlandı
Oktyabrın 3-də UEFA Avropa Liqasının əsas mərhələsi çərçivəsində Bakıda keçiriləcək “Qarabağ” - “Malmö" (İsveç) oyununa bilet satışı davam edir.
Mediasport.az xəbər verir ki, qarşılaşma üçün indiyədək 18 min bilet satılıb.
Matça 2 gün qaldığından, stadionda həmişəki kimi, anşlaq yaşanacağı gözlənilir.
Qapılar azarkeşlər üçün start fitindən 2 saat əvvəl açılacaq.
Saat 20:45-də Tofiq Bəhramov adına Respublika stadionunda keçiriləcək görüş üçün biletlərin qiyməti müvafiq olaraq 5, 20, 30, 40, 75 və 150 manat təşkil edir.
VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 300 manatdır.
Satış məntəqələri:
iTicket.az-ın satış məntəqələri (iTicket.az-da onlayn satış);
Park Bulvardakı “Qarabağ” FK-nın Fan-Şopu;
Tofiq Bəhramov adına Respublika stadionunun kassaları;
