"Sabah" Sloveniya hazırlığında Ukrayna klubuna qalib gəldi
Sloveniyada təlim-məşq toplanışını davam etdirən "Sabah" növbəti yoxlama oyununu keçirib.
Mediasport.az xəbər verir ki, Krunoslav Renduliçin komandası Ukraynanın “Rux” klubu ilə qarşılaşıb.
Masazır təmsilçisi Kahim Parris və yeni transfer Neqoş Kupusoviçin qolları ilə qələbə qazanıb - 2:1.
Xatırladaq ki, "bayquşlar" daha əvvəlki yoxlama matçlarında "Koper"i (Sloveniya) 1:0 hesabı ilə məğlub edib, Serbiyanın "Çukariçki" (0:0) və Ukraynanın "Krivbass" (2:2) kollektivləri ilə bərabərə qalıb.
