"Qarabağ"ın "Dinamo" ilə matçına satılmış biletlərin sayı açıqlandı
Sabah UEFA Çempionlar Liqası pley-off mərhələsinin cavab oyunu çərçivəsində Bakıda baş tutacaq "Qarabağ" - "Dinamo" (Xorvatiya) görüşündə stadionda, həmişəki kimi, anşlaq yaşanacaq.
Ağdam klubundan Mediasport.az saytına verilən məlumata görə, dünən axşamadək matça 24700 bilet satılıb.
Tofiq Bəhramov adına Respublika stadionunda keçiriləcək qarşılaşma üçün satışa 30000-ə yaxın bilet çıxarılıb.
Duel Bakı vaxtilə saat 20:45-də başlanacaq.
