"Qarabağ"ın Xorvatiya klubuna qarşı 24 nəfərlik heyəti açıqlandı
Çempionlar Liqasının pley-off mərhələsində Xorvatiyanın "Dinamo" klubu ilə qarşılaşacaq “Qarabağ” zaqreblilərlə görüşlər üçün iştirak ərizəsini UEFA-ya təqdim edib.
Mediasport.az xəbər verir ki, Ağdam klubunun yeni qapıçısı Mateuş Koxalskinin adı 24 nəfərlik siyahıya salınıb.
Heyətdə bu yaxınlarda əməliyyat edilən hücumçu Musa Qurbanlı, həmçinin 3-cü təsnifat mərhələsinin "Ludoqorets"lə (Bolqarıstan) cavab matçında zədələnən Marko Yankoviçlə Marko Veşoviç də yer alıb.
Qapıçılar: 12. Sadiq Məmmədzadə, 97. Fabian Buntiç, 99. Mateuş Koxalski;
Müdafiəçilər: 2. Mateuş Silva, 13. Bəhlul Mustafazadə, 29. Marko Veşoviç, 30. Abbas Hüseynov, 44. Elvin Cəfərquliyev, 55. Bədavi Hüseynov, 81. Kevin Medina;
Yarımmüdafiəçilər: 6. Julio Romao, 77. Yassin Benzia, 8. Marko Yankoviç, 10. Abdulla Zubir, 15. Leandro Andrade, 19. Redon Cica, 20. Riçard Almeyda, 24. Aleksey İsayev, 27. Toral Bayramov, 66. Patrik Andrade;
Hücumçular: 17. Hamidu Keyta, 18. Juninyo, 22. Musa Qurbanlı, 90. Nəriman Axundzadə.
Komandalar arasında ilk görüş avqustun 20-də Xorvatiyada, cavab qarşılaşması avqustun 28-də Bakıda olacaq.
