"Qarabağ"ın yeni transferindən təşəkkür
"Qarabağ"ın yeni transferi Juninyo Vieira Azərbaycana gəlişi barədə paylaşım edib.
MediaSport.az xəbər verir ki, Ağdam təmsilçisinin Portuqaliyanın "Çaveş" klubundan transfer etdiyi braziliyalı futbolçu yeni komandada xoşbəxt olduğunu qeyd edib.
27 yaşlı braziliyalı yarımmüdafiəçi ona imkan tanıdığı üçün "köhlən atlar"a təşəkkür edib: "Əvvəlcə mənim və ailəmin həyatında etdiyi hər şeyə görə Allaha şükür etmək istəyirəm. Yeni çağırış üçün xoşbəxtəm".
Qeyd edək ki, "Qarabağ" Juninyo ilə 3 illik müqavilə bağlayıb.
