Qurban Qurbanov mətbuat konfransında iştirak edəcək
UEFA Avropa Liqasının əsas mərhələsinin 2-ci turu çərçivəsində keçiriləcək "Qarabağ" - "Malmö” (İsveç) oyunundan öncə keçiriləcək mətbuat konfransları və media nümayəndələri üçün açıq məşqlərin vaxtları açıqlanıb.
Mediasport.az xəbər verir ki, son Azərbaycan çempionunun baş məşqçisi Qurban Qurbanovun iştirakı ilə keçiriləcək mətbuat konfransı 2 oktyabr, 13:30-da Tofiq Bəhramov adına Respublika stadionunda baş tutacaq.
17:30-da media nümayəndələri üçün açıq məşq (ilk 15 dəqiqə) "Azersun Arena"da keçiriləcək.
Qonaq komandanın baş məşqçisi Henrik Ridströmün Tofiq Bəhramov adına Respublika stadionunda təşkil olunacaq mətbuat konfransı 18:30-da start götürəcək. İsveç təmsilçisinin eyni arenada keçiriləcək ilk 15 dəqiqəsi açıq olacaq məşqi 19:00-da başlayacaq.
3 oktyabrda keçiriləcək "Qarabağ" - "Malmö" görüşü 20:45-də başlayacaq.
