"Səbail" Premyer Liqada qaldı, "Şamaxı" diviziona düşdü, "Qəbələ" Konfrans Liqasında - Premyer Liqa

27 May, 2023 - 22:01

Bu gün futbol üzrə Azərbaycan Premyer Liqasında 2022/2023-cü illər mövsümünün sonuncu - 36-cı turuna start verilib.

mediasport.az xəbər verir ki, yekun tur xüsusilə iki komanda - "Səbail" və "Şamaxı" üçün tarixi əhəmiyyət daşıyırdı.

Beləliklə, Bayıldakı matçda minimal hesablı qələbə qazanan "Səbail" Premyer Liqadakı mövqeyini qoruyub. "Şamaxı" isə 1-ci diviziona düşüb.

Turun daha erkən saatda başlanan digər iki matçı avrokuboklar baxımından vacib rol oynayırdı. Lakin "Qəbələ" doğma meydanda "Kəpəz"lə görüşdə bərabərliyi təmin etdiyindən "Zirə"nin Sumqayıtda eyniadlı komandaya 3:0 hesabla qalib gəlməsinin əhəmiyyəti qalmayıb.

Turnir cədvəlində mövqe baxımından əhəmiyyətsiz, amma prestij üçün önəm daşıyan "Neftçi" - "Sabah" və "Qarabağ" - "Turan Tovuz" matçları sabah oynanılacaq. Xüsusən qeyri-sabit çıxışlarla azarkeşlərini incik salan "Neftçi"nin Masazır təmsilçisi ilə qarşılaşması kifayət qədər maraqlı alına bilər.

Azərbaycan Premyer Liqası. 36-cı tur

27 may (şənbə)

17:30. “Sumqayıt” – “Zirə” 0:3

Qollar: Rəhim Sadıxov, 11, 65, Toni Qomes, 89.

“Kapital Bank Arena”

17:30. “Qəbələ” – “Kəpəz” 1:1

Qollar: İsnik Alimi, 45+4-pen., - Zamiq Əliyev, 80.

Qəbələ şəhər stadionu

20:00. “Səbail” – “Şamaxı” 1:0

Qol: Franko Mazurek, 45+1.

“ASCO Arena”

28 may (bazar)

17:00. “Neftçi” – “Sabah”

“Bakcell Arena”

19:30. “Qarabağ” – “Turan Tovuz”

“Azersun Arena”

1	Qarabağ	35	27	6	2	88-24	87
2	Sabah	35	25	6	4	75-23	81
3	Neftçi	35	19	8	8	62-38	65
4	Qəbələ	35	13	10	12	46-46	49
5	Zirə	35	12	11	12	42-46	47
6	Turan Tovuz	35	10	9	16	35-46	39
7	Sumqayıt	35	8	7	20	26-67	31
8	Kəpəz	35	6	12	17	33-61	30
9	Səbail	35	6	8	21	31-62	26
10	Şamaxı	35	4	13	18	26-51	25