"Sumqayıt"ın Konfrans Liqası oyununa nə qədər bilet satılıb?
İyulun 25-də Avropa Konfrans Liqasının 2-ci təsnifat mərhələsinin ilk oyunu çərçivəsində baş tutacaq "Sumqayıt" - "Fehervar" matçına bilet satışı davam edir.
Mediasport.az xəbər verir ki, təxminən 10 min nəfərə yaxın azarkeş tutumu olan arenada keçiriləcək görüş üçün bu günə 3300 bilet satılıb.
Azarkeşlər biletləri iTicket.az, 1 saylı Sumqayıt ASAN Xidmət mərkəzindən, iyulun 22-dən (stadiondakı texniki problemlərə görə bu tarix iyulun 20-dən 22-nə keçirilib) isə Mehdi Hüseynzadə adına Sumqayıt şəhər stadionunun kassasından əldə edə bilərlər.
Qiymətlər sektorlardan asılı olaraq 5, 10 və 25 manatdır.
Qarşılaşma saat 20:00-da başlanacaq.
Cavab oyunu iyulun 31-də Macarıstanda olacaq.
