"Sumqayıt"ın Konfrans Liqası oyununa nə qədər bilet satılıb?
Avropa Konfrans Liqasının 2-ci təsnifat mərhələsinin "Sumqayıt" - "Fehervar" oyununa bilet satışı davam edir.
Mediasport.az xəbər verir ki, artıq 2200 bilet satılıb.
Oyuna gəlmək istəyənlər biletləri iTicket.az, 1 saylı Sumqayıt ASAN Xidmət mərkəzindən, 20 iyuldan etibarən isə Mehdi Hüseynzadə adına stadionun kassasından əldə edə bilərlər.
Qiymətlər sektorlardan asılı olaraq 5, 10 və 25 manatdır.
Qarşılaşma iyulun 25-i saat 20:00-da başlanacaq.
Cavab matçı iyulun 31-də Macarıstanda baş tutacaq.
