Çempionlar Liqasının pley-offunda finala bərabər matç - PÜŞK ATILDI
Futbol üzrə UEFA Çempionlar Liqasında pley-off mərhələsinin püşkü atılıb.
Mediasport.az xəbər verir ki, 1/16 finalın cütləri müəyyənləşib.
Liqa mərhələsində 9-24-cü yerləri tutan 16 komandanın rəqiblərinin adlarına aydınlıq gətirilib.
Liqanın pley-offunda finala bərabər matç olacaq. Madrid "Real"ı "Mançester Siti" ilə qarşılaşacaq.
Raundun oyunları 11-12 və 18-19 fevralda baş tutacaq.
“Liverpul”, “Arsenal”, “Aston Villa” (hamısı İngiltərə), “İnter” (İtaliya), “Barselona”, “Atletiko” (hər ikisi İspaniya), “Bayer” (Almaniya) və “Lill” (Fransa) birbaşa 1/8 finalda mübarizə aparacaqlar.
Xatırladaq ki, bu mövsüm Çempionlar Liqasının final oyunu Almaniyanın Münhen şəhərində keçiriləcək.
UEFA Çempionlar Liqası. Pley-off mərhələsi
"Brügge" (Belçika) - "Atalanta" (İtaliya)
"Sportinq" (Portuqaliya) - "Borussiya" (Dortmund, Almaniya)
"Mançester Siti" (İngiltərə) - "Real" (İspaniya)
"Seltik" (Şotlandiya) - "Bavariya" (Almaniya)
"Yuventus" (İtaliya) - PSV (Niderland)
"Feyenoord" (Niderland) - "Milan" (İtaliya)
"Brest" (Fransa) - PSJ (Fransa)
"Monako" (Fransa) - "Benfika" (Portuqaliya)
