Azərbaycan millisinin sabiq üzvü futboldan ömürlük uzaqlaşdırıldı
AFFA-nın İntizam Komitəsinin iclası keçirilib.
Mediasport.az xəbər verir ki, yığıncaqda danışılmış oyunlarda iştirak edən futbolçularla bağlı qərarlar verilib.
Misli Premyer Liqasında son klubu “Şamaxı” olan Adil Nağıyev, həmçinin I Liqada mübarizə aparan “Mingəçevir”in 3 futbolçusu Mövlan Kərimov, Muxtar Nəzərli və Xəyal Xudaverdiyev danışılmış oyunlarda iştiraka görə ömürlük müddətdə futbolla əlaqədar hər hansı fəaliyyətlə məşğul olmaq hüququndan məhrum edilib.
Qeyd edək ki, karyerası ərzində AZAL, “Zirə”, “Sumqayıt”, “Səbail” və “Şamaxı”da oynamış Nağıyev Azərbaycan millisində 2 matç keçirib.
