Dünya Kuboku üçün Bakıya gələcək milli komandaların adları açıqlandı
Azərbaycanda ilk dəfə keçiriləcək 3x3 basketbol üzrə Dünya Kubokunun seçmə mərhələ oyunlarında iştirak edəcək komandaların adları müəyyənləşib.
Mediasport.az xəbər verir ki, Bakıda həm kişi, həm də qadın komandalarının iştirakı ilə təşkil olunacaq yarışda 12 ölkə qüvvəsini sınayacaq.
Kişi basketbolçuların mübarizəsində Azərbaycan, Monteneqro, Kanada, Böyük Britaniya, Ruanda və İran yığmaları güclərini yoxlayacaqlar.
Qadınların yarışında isə Azərbaycan, Çili, Latviya, Çin Taypeyi, Brazilya və Misir əsas milliləri əsas mərhələyə vəsiqə qazanmağa çalışacaqlar.
Seçmə mərhələ oyunlarında ən yaxşı 3 komanda Dünya kubokunun əsas mərhələsində iştirak etmək hüququ qazanacaq.
Qeyd edək ki, oyunlar mayın 24-25-də keçiriləcək.
