Kostinya "Qarabağ"la oyun haqda danışdı: "Burada zəif rəqib olmur"
"Bizim qələbə qazanmaq şansımız var. Doğma azarkeşlər qarşısında oynadığımız üçün daha motivasiyalı olacağıq".
Mediasport.az zəbər verir ki, bu sözləri "Olimpiakos"un futbolçusu Kostinya deyib.
Portuqaliyalı müdafiəçi bu axşam UEFA Avropa Liqasının əsas mərhələsinin son turu çərçivəsində "Qarabağ"a qarşı keçirəcəkləri oyun haqda danışıb.
25 yaşlı cinah futbolçusu Azərbaycan çempionunun güclü rəqib olduğunu vurğulayıb:
"Burada zəif rəqib olmur. Bütün oyunlar çətindir. Mübarizə aparmadan qələbə qazanmaq mümkün deyil. "Qarabağ"la oyunda uğurlu nəticə ilə azarkeşlərimizi sevindirmək istəyirik".
Xatırladaq ki, qarşılaşma bu gecə Bakı vaxtı ilə saat 00:00-da başlanacaq.
