20 idmançımız paralimpiadaya lisenziya yarışında iştirak edəcək
Azərbaycan paralimpiyaçıları Böyük Britaniyanın Birmingem şəhərində keçiriləcək Beynəlxalq Görmə Məhdudiyyətli İdmançılar Assosiasiyasının (IBSA) Dünya Oyunlarında iştirak edəcəklər.
mediasport.az xəbər verir ki, avqustun 18-dən 27-dək davam edəcək yarış “Paris-2024” 17-ci Yay Paralimpiya Oyunlarına reytinq xalları qazandıracaq.
Ölkəmiz burada 20 idmançı ilə təmsil olunacaq. İdmançılarımız cüdo (16 idmançı) və şahmat (4 idmançı) növlərində mübarizə aparacaqlar.
Reytinq xalları “Paris-2024” Yay Paralimpiya Oyunlarının proqramına daxil edilmiş cüdo idman növünə şamil olunur.
