Tacikistan millisindən Asiya Kubokunda tarixi uğur - 1/4 final!
Asiya Kuboku turnirində 1/8 final mərhələsinin oyunları davam edir.
Mediasport.az xəbər verir ki, artıq 1/4 finalın ilk iştirakçıları da məlumdur.
Avstraliya İndoneziyanı (4:0) məğlub etməklə bunu bacarıb. Tacikistan - Birləşmiş Ərəb Əmirlikləri (1:1) matçında qalibi müəyyənləşdirmək üçün penaltilər seriyasına ehtiyac duyulub (5:3).
Tarixi uğura imza atan taciklər adlarını 1/4 finala yazdırıblar.
Bu gün növbəti mərhələyə vəsiqə qazanacaq daha 2 milli komandanın adına aydınlıq gələcək.
D qrupunu maksimum nəticə ilə lider bitirən İraq E qrupunun üçüncüsü İordaniya ilə qarşılaşacaq.
A qrupunda oynadığı bütün matçlarda qələbə qazanan Qətər "Neftçi"nin futbolçusu Ataa Caberin də çıxış etdiyi Fələstinlə üz-üzə gələcək.
Asiya Kuboku. 1/8 final
15:30 İraq - İordaniya
20:00 Qətər - Fələstin
