Azərbaycan milli komandası Avropa çempionatının pley-offunda
![Azərbaycan milli komandası Avropa çempionatının pley-offunda](https://mediasport.az/uploads/images/202407/image_750x_6697591de888c.jpg)
Azərbaycanın qadın futbolçulardan ibarət millisi Avropa çempionatının birinci pley-off mərhələsinə vəsiqə qazanıb.
Mediasport.az AFFA-nın mətbuat xidmətinə istinadən xəbər verir ki, yer aldığı B Liqasının 1-ci qrupunda 4 xalla sonuncu - dördüncü yeri tutan millimiz final mərhələsində iştirak şansını davam etdirir.
Komandamız B Liqasının qruplarında ən yaxşı dördüncü yerin sahibi kimi bu hüquqa yiyələnib.
İyulun 19-da birinci pley-off mərhələsinin püşkatma mərasimi keçiriləcək.
Azərbaycan milli komandasının rəqibi B Liqasında yoluna davam edən digər 11 iştirakçı arasında ən yüksək reytinqlilərdən biri olacaq.
Qeyd edək ki, birinci pley-off mərhələsinin oyunları oktyabrın 23-də və 29-da keçiriləcək.
6 cütün qalibi ikinci pley-off mərhələsinə vəsiqə qazanacaq.