Azərbaycanın milli komandaları Bakıda təlim-məşqə başlayıblar
Azərbaycanın güləş milliləri Bakıda təlim-məşq toplanışı keçirlər.
Mediasport.az xəbər verir ki, qadınlardan ibarət yığma hazırlıq prosesinə sentyabrın 30-da start verib.
Toplanış oktyabrın 21-dək davam edəcək.
Yunan-Roma güləşi üzrə milli oktyabrın 7-də bir araya gəlib və toplanış 20 gün davam edəcək.
Sərbəst güləşçilər isə sabahdan hazırlıq prosesinə başlayacaqlar.
Böyüklərdən ibarət komandalar məşqlərini Azərbaycan Güləş Federasiyasının təlim-məşq bazasında keçirlər.
Taktiki-texniki çalışmalara üstünlük verilən toplanış U-23 dünya çempionatına (21-27 oktyabr) və böyüklərin dünya çempionatına (28-31 oktyabr) hazırlıq xarakteri daşıyır.
Qeyd edək ki, hər iki yarış Albaniyanın paytaxtı Tiranada keçiriləcək.
