"Qarabağ"ın potensial rəqibləri üz-üzə - UEFA Çempionlar Liqası
Bu gün futbol üzrə UEFA Çempionlar Liqasında 2024/2025-ci illər mövsümünə start veriləcək.
Mediasport.az xəbər verir ki, 1-ci təsnifat mərhələsi çərçivəsində 14 görüşdən 6-sı bu gün, 8-i sabah keçiriləcək.
Raundda Azərbaycan çempionu "Qarabağ"ın potensial rəqibləri də qarşılaşacaqlar.
Maltan təmsilçisi “Hamrun” Bakı vaxtilə saat 20:45-də Cəbəllütariqin “Linkoln” kollektivini sınağa çəkəcək.
Bu komandalar arasında cavab oyunu iyulun 16-da baş tutacaq.
"Qarabağ" cütün qalibi ilə ilk matçını səfərdə keçirəcək, cavab dueli iyulun 30-da Bakıda olacaq.
UEFA Çempionlar Liqası. 1-ci təsnifat mərhələsi. İlk oyunlar
19:30 "Panevejis" (Litva) - "Helsinki" (Finlandiya)
20:45 "Hamrun" (Malta) - "Linkoln" (Cəbəllütariq)
22:00 TNS (Uels) - "Deçiç" (Monteneqro)
22:00 "Santa Koloma" (Andorra) - "Ballkani" (Kosovo)
22:45 "Vikinqur" (İslandiya) - "Şemrok" (İrlandiya)
23:00 "Virtus" (San-Marino) - "Styaua" (Rumıniya)
