Milli komandanın sabiq futbolçusu 35 yaşında dünyasını dəyişdi
Mərakeş milli komandasının keçmiş futbolçusu Əbdüləziz Barrada 35 yaşında vəfat edib.
Mediasport.az xəbər verir ki, sabiq yarımmüdafiəçi həyatını ürək tutmasından itirib.
Karyerasını 3 il əvvəl məhz ürək ağrılarına görə erkən başa vurmuş Barrada PSJ-nin ikinci komandası, “Xetafe”, “Marsel”, “Əl-Nəsr”, “Əl-Cəzirə”, “Antalyaspor”, “Əl-Şahaniyə” və “Ximnastik”də (Tarraqona) çıxış edib.
O, 2012-2015-ci illərdə Mərakeş yığmasının heyətində 26 oyun keçirib, 4 qol vurub.
Fransa Liqa 1-nin növbəti turunda PSJ ilə "Marsel" arasında keçiriləcək qarşılaşmadan əvvəl Barrada 1 dəqiqəlik sükutla anılacaq.
