Juninyo "Sevilya"ya mümkün keçidini şərh etdi: "Tərəflərin razılığa gəlməsini gözləyirəm"
“Qarabağ”ın hücumçusu Olavio Juninyo İspaniyanın “Sevilya” klubuna mümkün keçidi haqda danışıb.
Mediasport.az xəbər verir ki, braziliyalı forvard bu haqda fikirlərini “Estadio Deportivo” nəşri ilə bölüşüb.
27 yaşlı hücumçu transferin reallaşmasının ondan asılı olmadığını deyib:
“Bu məsələ mənim əlimdə deyil. Ona görə keçid barədə çox danışa bilmərəm. Mənim “Qarabağ”la müqaviləm var. Tərəflərin razılığa gəlməsini gözləyirəm”.
Xatırladaq ki, Azərbaycan çempionu İspaniya klubunun ilkin təklifini geri çevirib.
Juninyonun ağdamlılarla müqaviləsi 2026-cı il iyunun 30-na qədərdir.
