Leandro Andrade Rusiya klubundan da təklif alıb? - AÇIQLAMA
![Leandro Andrade Rusiya klubundan da təklif alıb? - AÇIQLAMA](https://mediasport.az/uploads/images/202401/image_750x_65ae577f0958f.jpg)
"Qarabağ"ın baş meneceri Asif Əsgərov Leandro Andradenin gələcək taleyi ilə bağlı Rusiya mətbuatına açıqlama verib.
Mediasport.az xəbər verir ki, "sport24.ru" saytına danışan klub rəsmisi Premyer Liqa təmsilçisi "Rubin"in portuqaliyalıya təklif göndərib-göndərmədiyi ilə bağlı yayılan xəbərə münasibət bildirib:
"Rubin"dən Leandro Andrade üçün heç bir rəsmi təklif almamışıq. Ancaq futbolçu üçün başqa bir klubdan dəyəri 1,5 milyon avrodan çox təklif gəlmişdi".
Andradenin "Qarabağ"la sözləşməsi 2025-ci ilin yayına qədərdir. O, cari mövsüm "köhlən atlar"ın heyətində bütün turnirlər daxil 33 oyuna çıxıb, 10 qol vurub, 9 məhsuldar ötürmə edib.
Qeyd edək ki, Çinin "Şanxay Şenxua" klubu yarımmüdafiəçini bir müddətdir transfer etmək istəyir.