Mahirin klubunun Bundesliqa matçı bu axşam canlı yayımlanacaq
Azərbaycan yığmasının futbolçusu Mahir Emrelinin çıxış etdiyi "Nürnberq" bu gün Almaniya 2-ci Bundesliqasında növbəti oyununu keçirəcək.
Mediasport.az xəbər verir ki, Miroslav Klozenin baş məşqçisi olduğu kollektiv 15-ci tur çərçivəsində "Elversberq"in qonağı olacaq.
Bakı vaxtilə saat 21:30-da başlanacaq qarşılaşmanı "İdman Azərbaycan" telekanalı canlı təqdim edəcək.
Ümumiyyətlə, dövlət televiziyası hər tur Emrelinin komandasının görüşlərini canlı yayımlayacaq.
Xatırladaq ki, "Nürnberq" 19 xalla 14-cü pillədə qərarlaşıb və lider "Paderborn"dan 8 xal geri qalır.
