Marko Yankoviç "Qarabağ"ın heyətində yubiley oyununu keçirdi
Marko Yankoviç "Qarabağ"ın heyətində 100-cü oyununu keçirib.
Mediasport.az xəbər verir ki, monteneqrolu yarımmüdafiəçinin yubileyi Azərbaycan Premyer Liqasının XI turunun “Şamaxı” ilə matçına (3:0) təsadüf edib.
2022-ci ilin yayından Ağdam klubunun formasını geyinən 29 yaşlı futbolçu 100 oyunda 7 qolla yadda qalıb.
O, Premyer Liqada 53 (3 qol), ölkə kubokunda 8 (1 qol), avrokuboklarda 39 (3 qol) matça çıxıb.
Qeyd edək ki, Yankoviçin "Qarabağ"dakı debütü 2022-ci il iyulun 5-də gerçəkləşib.
Monteneqrolu UEFA Çempionlar Liqasının I təsnifat mərhələsinin “Lex”lə səfər matçında meydana çıxıb.
