Milli komandamız təlim-məşq toplanışı üçün Rusiyaya yollanıb
![Milli komandamız təlim-məşq toplanışı üçün Rusiyaya yollanıb](https://mediasport.az/uploads/images/202406/image_750x_666179aab0748.jpg)
Kosovoda keçiriləcək Avropa çempionatının təsnifat mərhələsində mübarizə aparacaq 18 yaşadək oğlan həndbolçulardan ibarət Azərbaycan millisi Rusiyanın Həştərxan şəhərinə yollanıb.
Mediasport.az xəbər verir ki, komanda burada təlim-məşq toplanışında iştirak edəcək.
Yığma hazırlıq prosesində yerli komanda ilə üç yoxlama matçı keçirəcək.
İyunun 11-dək davam edəcək toplanışda baş məşqçi Rəşad Hüseynovun sərəncamında 15 oyunçu olacaq.
Millimizin iyulda Mingəçevirin “Kür” Olimpiya Tədris-İdman Mərkəzində daha bir təlim-məşq toplanışı nəzərdə tutulub.
Avropa çempionatının təsnifat mərhələsi avqustun 12-18-i aralığında Kosovoda gerçəkləşəcək.