Millimiz dünya çempionatında İtaliya yığması ilə eyni qrupa düşdü
Çimərlik futbolu üzrə Azərbaycan milli komandasının dünya çempionatının seçmə mərhələsindəki rəqibləri müəyyənləşib.
MediaSport.az xəbər verir ki, yığmamız İtaliya, Moldova və Estoniya kollektivləri ilə birlikdə A qrupunda mübarizə aparacaq.
Oyunlar iyulun 5-dən 9-dək Bakıda "Su İdman Sarayı"nın ərazisindəki çimərlik futbolu meydançasında keçiriləcək.
Mundialın final mərhələsi noyabrın 16-dan 26-na qədər Birləşmiş ərəb Əmirliklərinin (BƏƏ) Dubay şəhərində təşkil olunacaq.
DÇ-2023. Seçmə mərhələ. A qrupu
5 iyul
18:45. Azərbaycan – Moldova
6 iyul
18:45. Azərbaycan – Estoniya
7 iyul
18:45. Azərbaycan – İtaliya
