Prezident İlham Əliyev Merih Demiralla bağlı paylaşım etdi

Prezident İlham Əliyev Merih Demiralla bağlı paylaşım etdi

Azərbaycan prezidenti İlham Əliyev sosial şəbəkə hesablarında paylaşım edib.

Mediasport.az xəbər verir ki, ölkə başçısı Türkiyə milli komandasını AVRO-2024-də 1/4 finala yüksəlməsi münasibətilə təbrik edib.

İlham Əliyev həmçinin, Avstriya ilə matçda "bozqurd" simvolu göstərdiyi üçün Merih Demirala verilən 2 oyunluq cəzanın ədalətsiz olduğunu bildirib:

"Almaniyada keçirilən futbol üzrə Avropa çempionatında uğurla çıxış edən qardaş Türkiyə milli komandasını 1/4 mərhələyə vəsiqə qazanaraq 8 ən güclü Avropa millisi arasında yer alması münasibətilə təbrik edirəm. Xüsusilə, 1/8 final mərhələsində 2 qol vuraraq oyunun ən yaxşı futbolçusu seçilmiş Merih Demiralı təbrik edirəm. Merihə qarşı tətbiq edilən cəza ədalətsizdir və bunu qətiyyətlə pisləyirəm. Türkiyə millisinə Hollandiya ilə oyunda qələbə arzu edirəm! Yaşasın Türk dünyası!"