"Qarabağ" xal gətirdi
!["Qarabağ" xal gətirdi](https://mediasport.az/uploads/images/202210/image_750x_63440b23ad7a0.jpg)
Çempionlar Liqasında mübarizəni dayandıran “Qarabağ” UEFA reytinqində Azərbaycana növbəti xalları qazandırıb.
mediasport.az xəbər verir ki, Azərbaycan çempionu UEFA Çempionlar Liqasının II təsnifat mərhələsində Polşa təmsilçisi “Rakuv”la evdə bərabərə qalıb - 1:1.
Bakı Olimpiya Stadionunda baş tutan görüşdə qeydə alınan heç-heçə sayəsində ölkə reytinqinə 0,125 xal əlavə olunub. Bununla ölkənin cari mövsümdəki xallarının sayı 1-ə çatıb.
Son 5 mövsümdəki ümumi xallarının sayı 15,250-yə çatan Azərbaycan reytinqdə 29-cu pillədə mövqeyini möhkənləndirib. Bir pillə irəlidə olan Sloveniya 16,250 reytinq xalına malikdir.
Reytinqə 88,928 xalla İngiltərə başçılıq edir. İspaniya (75,927) ikinci, İtaliya (71.569) isə üçüncü yerdə qərarlaşıb.